عامير بيرتس مجرد "شنب" طلع له بني أدم..والنكت الإسرائيلية ترفع شعار الدم التقيل..تقيل..

لدرجة أن النكتة اللي فازت ضمن أحسن عشر نكات في في مسابقة موقع "هومور" الساخر، بتقول: بنت صغيرة ماشية على شط البحر، لقت راجل عريان ملط. قالت له عمو ..عمو. ايه اللي بين رجليك ده. قالها ده العصفور ياحبيتي. قالت له طيب ممكن ألعب

هل عامير بيرتس أغبى وزير دفاع في العالم؟ هذا السؤال هو الأكثر انتشارا الآن، بعد الصورة الفضيحة لعامير ، وهو يتابع مناورات عسكرية في الجولان بمنظار، عدساته مغلقة!!
في إسرائيل يظنون أن "عامير بيرتس" مجرد شنب طلع له بني أدم، وإنه غبي بالفطرة لأنه يهودي شرقي، وكمان من أصل مغربي!!
والحكاية لها أصل، فاليهود الغربيون (الاشكناز) يحتقرون اليهود الشرقيين (السفاراديم). وبـ"يهروهم" نكت، بيقولك: مرة مدرس يهودي، سأل تلميذا : لو أقيمت مباراة كرة بين اليهود الشرقين واليهود الغربين فى مقلب زبالة. تفتكر مين يفوز ؟ رد التلميذ طبعا اليهود الشرقيون. المدرس: لماذا ؟ التلميذ: لأنهم يلعبون على أرضهم

لكن اليهود الشرقيين، كوم، ويهود المغرب، كوم تاني. فهم الأكثر معاناة في النكت الإسرائيلية، بعد العرب طبعا.بيقولك: ست من يهود المغرب فضلت واقفة قدام أسانسير في مركز تجاري فترة طويلة. قرب منها حارس الأمن.
يا ست انتي..الأسانسير مش هيجي إلا إذا طلبتيه
!!الست نظرت له ببلاهة، وطلعت المحمول: معاكش رقمه ياخويا

نكتة تانية، بتقول: يهودي راح لحاخام مغربي..قاله يا سيدنا أنا عصيت ربنا، وعملت كذا وكذا. الحاخام قاله، بسيطة، يا ليفي. أخرج وأول حد تقبله تصدق عليه بخمسين شيكل. خرج ليفي، لكن أول واحدة قابلها كانت "مومس". قال، ما علينا، خدي خمسين شيكل. المومس اتنرفزت جدا: أنا أجرتي 200 شيكل.
اليهودي المغربي: لكن الحاخام قال خمسين بس
!!المومس: أنا قلت للحاخام ميت مرة أنا عاملة الخصم ده ليك أنت بس

الطريف أن عامير بيرتس تحول إلى رمز اليهود المغاربة، فبعد الهزيمة أمام حزب الله، طلعت نكتة، بتقول:

أحد الصحفيين الإسرائيليين سأل "بيرتس": لقد قلت قبل الحرب إن بيريتس، سيجعل حسن نصرالله ينسى اسمه، فما رأيك الآن؟! فأجابه: من هو عامير بيريتس؟.

"عامير" غضب جدا من هذه النكتة، فعاجله الإسرائيليون بنكتة جديدة: قاضي حكم على إسرائيلي 13 سنة سجن لأنه وصف الوزير عامير بيرتس بالأحمق. وكتب في حيثيات الحكم: 3 سنين لإهانة موظف عام أثناء تأدية عمله، و10 سنين لكشف أسرار الدولة.

طبعا المصريون أولاد نكتة، و"تقل الدم" واضح في النكت الإسرائيلية. لكن ميزتها أنها كاشفة للعنصرية في إسرائيل. العرب مثلا، الضيف رقم واحد في النكتة هناك. ودائما النكت عنهم لاذعة جدا ، وعنصرية جدا جدا. هذا الفاصل من النكت عن العرب موجود على موقع النكت الإسرائيلي

(jokes.co.il):
-شارون يتجول في غزة فقابل طفل فلسطيني فسأله "كم عمرك؟" ؛ فأجاب الطفل: " بعد أيام سيكون عمري 12 عاما" ، فضحك شارون وقال "ها ها .. أنت متفائل أوووي!!"
س: أبومازن وأولمرت وبيريس انقلب بهم مركب في البحر، مين هينجو؟
ج: الشرق الأوسط.
ليه العراقيين بيقاطعوا الكوكا كولا؟ علشان الازازة لما بتفتح بتعمل صوت

Bushhh.
بماذا يلقون للعربي الذي سقط في البحر؟؟...... زوجته وأولاده.

بعد المغاربة، والعرب، يأتي الجيش الإسرائيلي والديانة اليهودية والجنس في المرتبة الثالثة في حجم النكت العبرية. وقد حدث تطور لافت في النكت عن جيش الاحتلال، تقول النكتة القديمة:كيف انتصرنا في حرب 1967؟؟ ... كان عندنا خطة، وهي أننا ننادي على العربي "أحمد!!" ؛فيخرج العربي ويقول "مين؟"، فنقتله. وتعلّم العرب هذه الخطة، وبدأوا ينادون علينا "موشيه!!" ، فيرد أحدنا "من بينادي؟" فيقول "أحمد"، فنطلق عليه النار أيضاً .

ومع هزيمة الجيش الإسرائيلي في الحرب أمام حزب الله، بدأت النكت العبرية تركز على الشذوذ بين العسكريين، وتقول أحدث نكتة في إسرائيل: طلعت إشاعة في وحدة عسكرية أن كل العساكر ناموا مع إستير. القائد جمع الوحدة كلها في طابور ذنب. وقال كل اللي نام مع إستير ياخد خطوة لقدام. الطابور كله تحرك لقدام، ما عدا عسكري غلبان منكسر. القائد راح له: مالك، يابني، أنت ليه مانمتش مع إستير. رد: لأن أنا إستير يافندم

وبعد نكت العسكرية، يتعهد العلمانيون الإسرائيليون بإنتاج النكت الدينية "الجارحة"، وهي فرع مزدهر جدا في المواقع الإسرائيلية. وفازت إحداها بأحلى نكتة هذا الشهر على موقع "جوكيس"، وتقول: ثلاث ستات يهود راحوا الجنة، قابلهم ملاك على الباب، سأل أول واحدة: خونتي جوزك قبل كده؟ قالت له لأ. طيب خونتيه في خيالك، قالت له لأ، طبعا لأ. قالها طيب، كويس، خدي ده المفتاح الذهبي. سأل التانية، خونتي جوزك قبل كده؟ قالت له: لأ طبعا. ولا في خيالك؟ قالت له: الحقيقة، مرتين بس. قالها: طيب، خدي المفتاح الفضي. جات الثالثة. خونتي جوزك قبل كده؟ ردت، أيوة طبعا.وخونتيه في خيالك؟ يوووه كتييييير. قالها: طيب خلاص..خلاص، خدي مفتاح "أوضتي"!!

أما النكتة التي فازت بالمركز الثاني، فتقول:ليفي خد أجازة من شغله في تل أبيب، وسافر يستمتع بشمس فلوريدا الدافية. مراته قررت تحصله بعد يومين. أول ما وصل وارتاح، قرر يبعت لها ايميل يوصف لها جمال المكان وعبقريته. "ليفي" غلط في كتابة حرف من عنوان الايميل. والرسالة وصلت على عنوان زوجة قسيس مات من يومين. الست كانت فاتحة الايميل تقرا رسائل العزاء. شافت الرسالة صرخت، وماتت في ساعتها. دخل اقاربها، شافوا الموقف وبدأوا يقروا الايميل: "زوجتي العزيزة، وصلت من ساعة. المشوار كان طويل ومرهق، لكن الموضوع يستاهل. كل شيء هنا جميل! الشجر، الجناين، الأكل اللذيذ. أنا حاسس وكأني في بيتنا. ودلوقتي هروح أرتاح شوية. بس عاوز أقولك أنا كلمت الناس هنا، وكلهم متوقعين أنك تيجي بكرة. أنا متأكد أن المكان هيعجبك. زوجك حبيبك، للأبد! ملحوظة: اعملي حسابك الجو هنا حار جدا، جهنم...ومع ذلك يروح اليهود فين في خفة دم النكت المصرية!! الدم خفيف خفيف، والدم التقيل تقيل.

آه، نسينا الضلع الثالث في المجموعة دي، النكت الجنسية. بس هي صعبة شوية. واضح أن اليهود في النكت الجنسية ما بيرحموش. نكت بلا حصر، لدرجة أن النكتة اللي فازت ضمن أحسن عشر نكات في في مسابقة موقع "هومور" الساخر، بتقول: بنت صغيرة ماشية على شط البحر، لقت راجل عريان ملط. قالت له عمو ..عمو. ايه اللي بين رجليك ده. قالها ده العصفور ياحبيتي. قالت له طيب ممكن ألعب معاه. قالها لازم تاخدي إذن ماما الأول. البنت رجعت البيت. ماما ..ماما، ممكن ألعب مع العصفور.
مامتها: طبعا يا حبيبتي. رجعت البنت لقت الراجل نايم. قالت أكيد مش هيرفض، طالما ماما وافقت. صحي الراجل لقى نفسه في المستشفى متربط، والبنت جنبه بتعيط. صرخ فيها، ايه اللي جابني هنا؟
قالت له أبدا، لعبت مع العصفور، وبعد ما "تَـف"عليا، قطعته من جدره، وكَسَرت له "بيضه"، وحرقت له "عشه". ومش هنكمل في النوع ده أكثر من كده، علشان النكت اللي جاية بتدخل في الغريق، وبعدين عيب. وكل موضوع "لايت"، وأنتوا طيبين.